富咸受讓多值博

富咸受讓多值博

英格蘭今晚上演足總盃第四圈，英超一哥曼聯主場迎戰富咸。上周聯賽被熱刺迫和後，曼聯馬不停蹄飛去中東集訓，有好有唔好，球員要晨操晚練，舟車勞頓，可能未必好事。不過，球隊主場一向甚有保證，整體實力又在對手之上，贏波過關應該不成問題，但讓球過多就未必着數。

富咸近況麻麻，四戰三和一負，上仗輸畀曼城屬正路。睇返聯賽首循環作客曼聯表現唔差，與曼聯鬥攻，最終輸二比三無話可說。只要踢返當日水準，富咸未必輸得晒。初盤曼聯讓球半，不妨考慮富咸贏盤。

曼聯攻力無需多講，不過後防不穩依然係隱憂，聯賽失三十球，以一支班霸而言實難以接受。對熱刺一役防線出現唔少漏洞，若非門將迪基亞表現出色，可能已經全失三分。今晚對住攻力唔差的富咸，隨時被對手突襲成功。富咸前線火力有番咁上下，廿三場聯賽攻入三十三球，貝巴杜夫、柏特歷、拜仁雷斯及洛達歷加都係具級數球員，絕對有機會攻破曼聯的不穩防線。

推介：曼聯勝2:1