Mic少：費倫主場受讓筍

馬里奧高美斯返晒嚟
意甲好戲碼，費倫天拿主場對祖雲達斯，由於祖記將於下周三凌晨歐聯生死戰惡鬥馬體會，獲安排今晚率先踢聯賽，以便有更多時間備戰及休息。事實上，球隊現時首要目標係取得歐聯16強席位，今場意甲有所保留亦好正路。費倫天拿當勇3連勝，馬里奧高美斯已擺脫傷患，上仗成功開齋，球隊漸入佳境，受讓要讓球主勝。

（TVB301周六凌晨3時45分直播）

費倫天拿今季成績有所退步，但近期已逐漸走出低谷，連歐霸盃在內，唔經唔覺已連贏3場，而且都係作客賽事，實屬難能可貴，今仗返回主場，勝算更加高。值得欣慰係馬里奧高美斯終於傷愈，上仗仲射入1球，有呢位德國射手助陣，可增強鋒線制空力，進攻更多元化，相信成績將繼續上揚。

祖記歐聯後顧信唔過
無可否認祖雲達斯級數勝一籌，但始終有歐聯後顧之憂，教練阿里基今仗隨時收起部分主力。祖記上仗主場鬥拖連奴，都要踢到補時，先至靠派路遠射入波險勝，表現麻麻。加上列治史迪拿停賽，防線有隱憂。祖記今季亦有作客突然失準，失分畀薩斯索羅、熱拿亞嘅前科，讓波制唔過。