ComboKing ：摩納哥睇錢份上放生圖盧茲

見到曼城、車路士、巴黎聖日耳門等球會獲有米班主射住，可以買球星爭取好成績，其他球隊嘅粉絲當然好羨慕，不過搞波唔係淨係靠有錢就得，仲要有heart，若然嗰啲富豪班主玩厭咗隊波，就會落得西甲馬拉加同法甲摩納哥嘅下場，球星四散，成績打回原形。今晚風光不再嘅摩納哥作客圖盧茲，平手盤不妨要圖盧茲。

（TVB 302周六凌晨3時30分直播）

曾被譽為「西甲曼城」嘅馬拉加隨住老細科威特財團失去興趣，球會即刻出現財政問題，又試過拖糧，富貴夢非常短暫，至於摩納哥班主「化肥大王」魯博洛夫列夫今季亦閂水喉，仲賣走占士洛迪古斯同借走法卡奧慳皮，搞到聯賽成績下滑。見到球會莫財，摩納哥就惟有靠自己搵錢，目標係「金礦」歐聯！摩納哥下場就要同辛尼特踢生死一戰，為出線當然係不容有失，咁就益晒圖盧茲啦！圖盧茲上場擊敗南特，結束兩連敗頹勢，今場平手盤要得過喎！

富咸大盤繼續追
至於一樣有歐聯後顧之憂嘅士砵亭，情況同摩納哥唔同，今場嘅對手係近況曳嘅博維斯塔，士砵亭近3場全勝，3場皆贏對手兩球或以上，狀態大勇，作客都唔驚博維斯塔，讓球客勝值捧。最後英冠獨腳戲，富咸主場對屈福特，富咸近8場全開大，加上前鋒洛達列加狀態大勇，今場可以放心捧大盤。