贏到唔識停誓破連勝紀錄 「西甲星期五」難得有「銀河艦隊」出動,艾美利亞今晚鬥皇家馬德里,有主場之利都隨時變炮灰,事關佢哋個教練法蘭斯高剛啱落鑊,連操練都只能由體能教練沙治奧柏度主持,既然皇馬等住破健力士連勝紀錄,喺呢場2
贏到唔識停誓破連勝紀錄 (now632台及TVB13周六凌晨3:45直播) 現時艾美利亞喺西甲排第17位,將近跌入降班區域,經過近7場聯賽得1和6負,高層終於宣布炒教練法蘭斯高魷魚,據講今場要由體能教練沙治奧柏度領軍。本身艾美利亞形勢上已經好牙煙,加埋佢哋喺近3次對「銀河艦隊」全部輸晒,每場仲至少淨輸4球,包括11年作客慘輸1:8,恐怕今戰想輸少啲都難。 艾美近3次對賽輸晒 每場最少失4球 雖然皇馬有「J神」占士洛迪古斯受傷,佢中場拍檔莫迪歷又未好番,又有中堅沙治奧拉莫斯要坐波監,不過以佢哋目前「順到冇朋友」嘅強勢,C朗又要繼續入波為再攞國際足協金球獎造勢,相信會繼續力爭大勝,以強勢為去摩洛哥踢世冠盃做足準備,點睇都唔似會喺呢個時候揸流攤,今鋪遇魚腩唔劏等幾時? 盤路解碼 |