延連勝紀錄 壯世冠行色 喺遠征非洲摩洛哥爭奪世界冠軍球會盃冠軍之前,「銀河艦隊」皇家馬德里先踢西甲,將於周六凌晨客戰艾美利亞,各項賽事已經連贏19場嘅皇馬不但要為世冠盃壯行色,仲要挑戰埋最長連勝嘅健力士世界紀錄,今場對住
延連勝紀錄 壯世冠行色 (now 632及TVB 13周六凌晨3時45分直播) 皇馬繼續銳不可當,雖然已經鐵定首名出線歐聯,但上場都唔放過大炒盧多格德斯嘅機會,19連勝創出西班牙球壇最長連勝成績,但「銀河艦隊」又點會滿足於此,球隊只要贏多6場,就可以破埋巴西球隊哥列迪巴創下嘅24連勝健力士世界紀錄,況且皇馬依家喺西甲僅以兩分領先死敵巴塞隆拿,奪冠言之尚早,所以對手不論強弱,佢哋都要一一擊破! 皇馬今場縱有後衞沙治奧拉莫斯停賽、中場占士洛迪古斯同莫迪歷養傷,但隊中王牌C朗拿度繼續瘋狂士哥,佢入波已經唔係為咗幫「銀河艦隊」贏波咁簡單,仲係為咗不斷刷新嘅入球紀錄,艾美利亞聽做炮灰! 艾軍剛炒教練立立亂 |