今晚利華古遜會喺德甲硬撼慕遜加柏，雙方都有強大火力，比拿拉比同靴爾文兩大德國新進攻擊手好睇又好食，今場較量肯定大把精彩埋門，支持1.62倍「入球大」最着數！ （有線61、64、201、203及中央5台周日晚10:30直播） 比拿拉比愈踢愈好 利華啱啱喺歐聯殺入16強信心大增，佢哋前線由傑斯寧、孫興民同比拿拉比組成嘅進攻組合火力非常強大，今季7場主場聯賽轟入16球，平均每場入2球以上，其中比拿拉比仲愈踢愈好，喺德國國家隊都受到重用，利華有佢壓陣唔愁冇波入。 客軍慕遜加柏上場贏波終止聯賽3連敗，射手拉菲爾基達奴重拾射門鞋當然係好事，而且踢法華麗嘅靴爾文狀態亦有好轉迹象，今場肯定會爭「士哥」同比拿拉比鬥騷Quali，入球大冇走雞啦！ 頂「占」推介：利華古遜（入球大）