愛華頓今晚喺英超獨腳戲主場出擊，陣中射手盧卡古呢期Fit爆，有佢同米拿拉斯呢對比利時雙箭衝鋒陷陣，作客腳軟兼有查理柯士甸缺陣嘅昆士柏流浪，睇怕都係等劏，捧2.1倍「讓主」。 （now621台周二凌晨4:00直播） 成功躋身歐霸盃32強嘅愛華頓，周中只係派後備兵迎擊卡斯洛達，預計巴利、盧卡古同米拿拉斯等主力，今晚會齊齊復任正選。 對家QPR係「受靶王」，被射中框嘅次數達86次，冠絕英超。最濕滯嘅係佢哋7場英超作客波全部輸晒，首席射手查理柯士甸又話要坐波監，造訪葛迪遜公園唔單止等劏，隨時蛋都未必破到！