捧槍手有回“布”
今季再四大皆空的阿仙奴只剩八場英超比賽，唯一目標係殺入前四位，可以踢下季歐冠盃。睇番餘下賽程，主場對曼聯較為難打，其他對手話強唔強，入前四機會仍在，最重要不能大意失分，今晚作客中游分子西布朗，誓要撲殺對手全取三分。
西布朗目前排第八，要踢歐洲賽機會較微，又不愁降班威脅，今仗可以打風流波，球隊近期表現相當平淡，球員爭勝慾望不足兼欠缺火氣，對住積極搶分的阿仙奴，西布朗難有作為。初盤阿仙奴讓半球，推介兵工廠征“西”成功。
屬於攻得唔守得的西布朗，三十一場聯賽入四十一球，中游班算唔錯，奧丹維治、盧卡古、朗治及洛辛堡都屬有份量的攻擊手，球隊有如此成績係最大原因。只可惜“頭大尾細”，後防共失四十一球，對住攻力較強的球隊立即現形，鬥心不足情況下，實難有寄望。阿仙奴首循環兩球擊敗西布朗贏得相當輕鬆，近十次對賽贏八場和一場輸一場，心理優勢與信心已有十足保證。
推介：阿仙奴勝2:1
