近四屆荷甲冠軍阿積士今晚將要作客精英隊，冇人會嫌錢多，同樣道理，阿積士亦唔會因為連續攞咗咁多屆聯賽錦標而唔想贏冠軍，阿積士依家畀榜首嘅燕豪芬壓住，今場歇冬前最後一戰梗係冇得手軟，誓要贏波攞三分，唔畀燕豪芬彈甩太遠，科娜捧讓球客勝！ （now 670周日晚9時30分直播） 雖然精英隊剛喺周中荷盃大數NAC六蛋，而阿積士就畀維迪斯大炒4比0，不過睇返阿積士嘅出場陣容，主帥法蘭迪保亞派出部分副選迎戰維迪斯，明顯係為今場聯賽而留力。至於精英隊大炒NAC亦唔見犀利得去邊，始終NAC排喺聯賽榜尾二，放棄盃賽全力為護級而戰好過，況且精英隊喺盃賽醒，唔代表返到聯賽就掂，佢哋近三場聯賽輸咗兩場，一共失十二球，咁疲弱嘅防守點頂阿積士呢？阿積士讓波都冇有怕，一於揀讓球客勝！