另一場英足盃第3圈，英超西布朗主場迎戰非聯賽球隊基斯赫德，今場係西布朗新主帥佩尼斯接手後首次正式領軍，喺「新帥效應」之下，面對第五級球隊預料可輕鬆過關，捧讓球主勝。 （周六晚11時開賽） 西布朗上場對韋斯咸賽前宣布任命前史篤城及水晶宮領隊佩尼斯接掌帥印，結果球隊喺佢臨場觀戰下以1比1逼和韋斯咸，終止三連敗頹勢，整體演出及決心都有明顯改善，今場佩尼斯將會正式領軍，球員為爭取表現肯定唔會Hea踢。基斯赫德來自國內第五級別賽事，現時於該組別賽事亦只係排名中游，缺乏爆冷本錢，客場出戰輸多贏少。