阿占：射手歸位近況復甦 FC悉尼擊落噴射機

澳職今日下午有場被視為「頹鬥頹」嘅賽事，6連不勝嘅FC悉尼主場迎戰全季只得1勝嘅紐卡素噴射機。論近況兩隊都唔掂，不過悉尼近期有復甦之勢，主力前鋒真高上仗傷愈復出，球隊戰意亦較為高昂，今場有望藉主場之利重開勝利之門，阿占今次幾大都撐1.7倍主勝！

（有線64、203周六下午4:30直播）

噴射機作客7戰5負
悉尼上場喺高溫兼高濕度比賽下作客悶和布里斯班獅吼，雖然只拎得1分，不過表現比起之前兩場主場吞蛋已經大有改善。最重要係奧地利王牌前鋒真高傷愈復出，經過一場磨練後狀態應該更好，有佢同新西蘭射手史美斯合作攻堅，悉尼要打破近300分鐘入球荒唔難。

悉尼後防奧尼洛夫斯基雖然因傷提早收咧，不過隊長保斯基上場賽後特別召開球員會議，鼓勵全隊咬埋啖氣踢呢場，之後就有亞洲盃空檔可以回氣。佢哋至少有入選澳洲國家隊嘅中場安東尼斯狀態大勇，上場攻守串連做得好好，戰鬥力絕對唔差。況且噴射機今季作客2和5負非常失禮，邊有力阻止悉尼拎晒3分呀？

頂占筍盤：FC悉尼（主勝）