畢迪斯有數“維”

畢迪斯有數“維”

今晚有場西甲畢迪斯對西維爾的獨腳戲，初盤開出平手，似乎有點怪，因為畢迪斯排第七，仲有望爭下季歐戰資格，今場波理應全力爭勝，搶足三分，但對住低三位兼打“風流波”的西維爾，主場唔使讓波，有些少“鬼盤”感覺。唯一解釋係兩隊近年對賽，西維爾佔較大優勢，今季首循環更加打到畢迪斯“一棟”都冇，但都係呢句，打波逐場計，既然大家又係同級波，有主場之利而唔使讓，必選畢迪斯。

畢迪斯少第四位的皇家蘇斯達四分，甚至有機會爭踢歐冠，為“錢途”着想，肯定全力以赴，球隊攻力有保證，上仗大炒格蘭納達五個一皮，首席射手魯賓卡斯特路梅開二度，重拾射門鞋，加上摩連拿，攻力有一定保證。後防主力艾美亞及祖爾甘保停賽復出，陣容更完整，有力報回首循環一敗之仇。西維爾陣中有唔少名氣球星，包括尼格路、拿華斯及拿傑迪等，可惜又係攻強守弱，作客只得一勝四和十負劣績，實在信唔過。

推介：畢迪斯勝二比一