安歷基Order盡炒保飯碗 西班牙盃16強首回合壓軸戲碼,巴塞會喺魯營球場恭候艾爾切,「地上最強」最近負面消息一籮籮,更盛傳主帥安歷基接到球會最後通牒,喺未來兩場要贏得好好睇睇,如果唔係就聽執包袱!相信安帥為咗保住飯碗,
安歷基Order盡炒保飯碗 (now632台及TVB13周五清晨5:00直播) 巴塞踏入新一年後麻煩多多,體育總監蘇比沙列特落鑊被炒,跟住到做佢助手嘅佩奧爾請辭,而巴塞名宿史岱捷哥夫亦忍唔住連珠炮發,揭示球會存在唔少問題。但講到最大劑嘅,肯定係王牌美斯同教練安歷基盛傳擘面,美斯仲被傳媒質疑以急性腸胃炎為由,拒絕參與巴塞公開操練,藉此向安帥作無聲抗議,今場隨時扭計唔落場。 專注聯賽護級 艾爾切話明唔搏 再講家陣喺西甲包艇嘅艾爾切,上輪聯賽逼和維拉利爾結束4連敗頹勢之後,教練艾斯基巴賽後揚言希望呢場能夠成為佢哋嘅轉捩點,嚟緊可以全力搶分護級,相比起今場西盃造訪魯營,佢更在意下輪鬥畢爾包嘅聯賽。艾爾切原本已經差巴塞幾班,如今教頭仲講到明專注聯賽,今場好難唔做巴塞炮灰囉! Data King:巴塞主場旺角球細 ?巴塞今季13戰主場狂轟50球,平均每場入3.8球。 ?艾爾切今季5場作客敗仗都「由頭輸到尾」。 乜都玩錦囊:半場分勝負熱捧主勝 盤路解碼 |