亞洲盃A組第2輪賽事展開，澳洲今日喺主場對阿曼，相信會繼續做「大」騷氹球迷入場，因為今屆亞洲盃入座率勁差，連澳洲喺揭幕戰贏科威特，都畀人質疑篤數扮坐滿，為咗吸引擁躉入場打氣，入波點少得？1.92倍入球大捧得過！（now671台周二下午5:00直播） 澳洲以4:1反勝科威特，下半場的確幾好睇，可惜隊長積甸拿克傷咗，將會錯過今場比賽，星味買少見少，而且澳洲足總話揭幕戰啲波飛賣晒，畀傳媒質疑篤數，事關喺現場睇番，個球場大把空位，呢件事搞到澳洲足總勁尷尬，為咗造番起個勢，今場澳洲有需要開入球騷。 阿曼殺傷力強鬥攻 阿曼首戰以0:1負南韓，輸得唔算肉酸，雖然佢哋嘅23人名單中，外流球員僅得韋根門將艾哈比斯，不過佢哋嘅踢法好有殺傷力，就算南韓踢法硬淨，都有李青龍同金昌洙中招，為避免提早出局，照計阿曼會同澳洲死過，撐1.92倍入球大。