今日澳職有場獨腳戲，現時排常規賽次席嘅中岸水手，主場迎戰墨爾本城。水手要爭常規賽冠軍，主場必搶韁，墨城今季大跌Watt，作客成績尤其唔掂，阻唔到人發達，水手小讓平半，上盤抵玩到爛。（無綫myTV SUPER周二下午4時直播） 中岸水手上場不敵ＦＣ悉尼，各項賽事不敗走勢告終，不過輸波都情有可原，球隊近7場有6場要作客，但都能夠獲4勝2和1負，證明狀態確係唔錯。澳職進入最後直路，中岸水手僅落後榜首威靈頓鳳凰3分，球隊餘下4場聯賽，有3仗於主場出擊，今場必定全力搶3分，希望最後階段反先，搶走常規賽冠軍。 墨爾本城跌晒Watt 墨爾本城今季成績一般，尤其作客11戰只得3勝1和7負，近5場聯賽作客更只得1和4負，同上季贏得常規賽冠軍判若兩隊，加上中岸水手近6場主場5勝1負，上盤值得信賴。