今晚英超上演重頭戲，我愛隊利物浦將會作客阿仙奴，應該都可以算是榜首大戰了。 阿仙奴真是屋漏兼逢連夜雨，先是威廉沙列巴在上仗作客般尼茅夫被直紅趕出，今仗要停賽，祖利安添巴與新加盟的意大利靚仔卡拉科利亦因傷缺席，加上本來已受傷的隊長馬田奧迪加特，翼鋒「沙卡仔」布卡約沙卡亦未知能否趕及傷癒復出，前中後都有重要兵員缺席，情況可算非常不利。 利記應會保守應對 而另一邊廂嘅利物浦，雖然都有不少傷兵，但幸好全部位置亦有唔錯嘅替補，在人腳方面不用擔心。今仗作客，估計史洛特的踢法應該都會相當保守，以保和為前提下去求勝，今場利物浦若加以提防阿仙奴嘅死球戰術，應該可以坐和望小勝。Ling Ling