周五澳職賽事，中岸水手主場迎戰阿德萊德聯。中岸水手喺亞冠盃已肯定出局，依家可以重新專注聯賽，今場對住不敗之師阿德萊德聯，肯定會穩陣行先，博3.5球嘅入球細好路。（無綫82台周五下午4時35分直播）文:工廠仔 中岸水手今季兼顧亞冠盃，聯賽成績明顯受到影響，雖然近2場聯賽贏波，不過鋒力不足問題仍存在，佢哋本身欠缺強攻本錢，今季4場聯賽主場有3場「食白果」，就算上場擊敗FC悉尼，都係喺對手上半場踢少1個之後先入到波，火力唔太可靠。 近年對阿聯少入波 另邊廂，阿德萊德聯今季表現四平八穩，6場聯賽拎到4勝2和不敗佳績，就算作客都好穩陣。翻查兩隊近6次對賽，有5次總入球開3球或以下，一於追3.5球嘅入球細。