曼城主場迎戰車路士上演「雙藍會」，今場邊隊贏波好大機會可進佔聯賽第4位，相信會帶嚟一場精彩賽事。文:謝德謙 曼城上場聯賽作客以6比0擊敗葉士域治，但喺周中歐聯被巴黎聖日耳門反勝4比2，相信主帥哥迪奥拿不得不承認球隊陣容欠理想，否則唔會喺冬季轉會窗希望一口氣簽入巴西中堅域托雷斯、烏茲別克年輕中堅卡胡辛洛夫及埃及前鋒馬莫殊，三人嘅加盟定必為「藍月亮」帶來活力。 查洛巴彈起孭重飛 另外基爾獲加盛傳外借至ＡＣ米蘭，但呢名右閘一月初開始已經缺陣，相信對球隊影響不大。 車路士上場擊敗狼隊，終止聯賽5場不勝頹勢，守將杜利奧查洛巴回收後立即正選上陣，並交出助攻兼當選最佳球員獲主帥馬利斯卡大讚，料今場會繼續委以重任。不過球隊近5場都未能保持清白之身，今場面對曼城一眾鋒線，相信難以招架。