英足盃：副選發「茅」紅軍做大事_東方日報

今晚英足盃第4圈，英超1哥利物浦作客英冠普利茅夫。雙方實力距離懸殊，加上普利茅夫護級形勢告急，無力兼顧盃賽，就算「紅軍」派副選都有力大炒對手，考慮到客Ｗ冇乜肉食，利物浦近4場比賽有3場總入球開4球或以上，轉吼3.5球入球大。（Now 652周日晚11時直播）文:Mic少

普利茅夫護級至上
利物浦今季4線衝冠，現時高居英超榜首，歐聯亦殺入16強，上場英聯盃4強次回合大炒熱刺4蛋，勇闖決賽，英足盃亦會視冠軍為目標。雖然賽程緊密或要變陣出擊，但費達歷高基艾沙、遠藤航甚至哈維艾利洛等副選甚具質素，應付普利茅夫綽綽有餘，更何況班副選為爭上位，落場隨時踢得更肉緊，務求把握機會爭取表現。

普利茅夫現時喺英冠包艇，落後尾四侯城4分，依家最重要係保住英冠席位，盃賽唔會抱任何期望，何況遇着利物浦，爆冷機會非常渺茫，「放棄」英足盃留力踢聯賽更為明智，戰意成疑下，更難抵擋客隊強攻，隨時大敗收場。