歐聯：飛燕諾主場惡下盤等收米_東方日報

飛燕諾早前喺主場連贏A米及拜仁，表現令人驚喜。

荷甲嘅飛燕諾歐聯主場鬥意甲勁旅國際米蘭。國米淘汰賽開始前跌watt，反而飛燕諾表現大無畏，喺主場出擊連斬多支名牌勁旅，球員士氣高昂，今仗主場出師夠料坐和望贏，下盤受讓一球值得推薦！（Now 643周四凌晨1時45分直播）文:工廠仔

飛燕諾喺附加賽淘汰AC米蘭，兩回合1勝1和表現出色，事實上呢支荷蘭勁旅主場威力十足，近3場歐聯主場全勝，包括連贏拜仁慕尼黑同AC米蘭，絕對有力製造驚喜。加上飛燕諾對上3次喺歐聯主場對意甲球隊同樣贏晒，對住意大利球隊未驚過，主場有望延續走勢。

國米防線傷兵多
國米喺聯賽階段表現突出，8場賽事只係失過1球，不過佢哋近期狀態似乎下滑，特別係作客比賽甩漏頗多，對上4場作客得2和2負，門將恩尼森馬同守將達美安受傷情況下，令防線更加不穩，對住飛燕諾高速同體力化嘅進攻未必頂得住！