亞冠：川崎遇剋星讓波濕滯_東方日報

今晚亞冠精英盃16強次回合，中超球隊FC上海作客日職勁旅川崎前鋒。FC上海首回合贏1粒，今仗作客一定縮後嚟踢，而且川崎近年亞冠對住中超隊經常冇運行，讓球主客和FC上海受讓1球，必捧讓球客勝（+1）。（HOY TV 76台周三晚6時直播）文:法達斯維

FC上海首回合主場出擊，憑住川崎前鋒嘅高井幸大擺烏龍，最終險勝1比0，真係好運好過好波。不過FC上海賽前收到壞消息，前鋒安達路爾斯日前聯賽受傷，今次冇隨隊肯定倦勤，冇咗呢位射手難免影響攻力，加上有1球喺手，今仗勢必縮後嚟踢。

近2次對FC上海全敗
川崎前鋒首回合咁樣輸波係唔抵，不過呢支日職勁旅近年又的確唔多重視亞冠，之前4屆最叻都只係入到淘汰賽首圈，佢哋各項賽事近4場贏得1場咁大把，狀態認真一般。何況川崎前鋒對親中超兵都驚驚，近4次亞冠出戰中超球隊3度落敗，其中2次係今屆輸畀FC上海，似乎畀中超球隊剋住，既然FC上海有得受讓，讓球客勝（+1）值得捧場。