女歐聯：里昂火力猛大騷本錢_東方日報

8強首回合贏2比0嘅里昂女足，次回合返主場迎戰拜仁慕尼黑女足，爭入女子歐聯4強。作為女子歐聯史上最成功球隊、共8奪冠軍嘅里昂女足，相信今場晉級冇難度，但要面對拜仁女足傾力反擊，預計入波唔會少，加上里昂女足近6場5次開4球或以上，3.5球入球大走唔甩。

（周四凌晨1時45分開賽）文:邪神

女拜仁冇得諗焗攻
里昂女足喺女子歐聯屬於霸主級別球隊，近14屆賽事贏咗8屆，不過近兩屆都失落冠軍，包括上屆決賽不敵巴塞隆拿女足屈居亞軍。今屆銳意捲土重來，喺分組賽階段6戰全勝，攻入19球僅失1球，成績屬各隊之冠，首回合攻入第2球嘅海地女足鋒霸杜摩妮，今季累積攻入18球，包括最近連續5場有「士哥」，今仗繼續擔起入球重任。至於拜仁女足都冇得好諗，輸緊兩粒只能焗攻，但要同火力十足嘅里昂女足鬥攻，最終只有一個結果，就係輸得更轟烈，預計今場入球必多，大盤要得過。