車仔博大“慕”

歐洲最高王者之戰，歐洲超霸盃今晚上演，拜仁慕尼黑決戰車路士，亦係兩大教頭“哥帥”與“寸王”在西甲鬥生鬥死後，再一次在歐洲戰場爭霸，勝負雖是兵家常事，但“飛屎”更勝於一切，兩位仁兄必會施展渾身解數，誓要一挫對手。

拜仁之前氣勢簡直一時無兩，可惜上場被費雷堡逼和，今季聯賽在三連勝後就被“斬纜”，士氣唔多唔少有一定影響。事實上，拜仁近兩、三場比賽的確銳氣略減，尤其前線攻擊力，贏波只係一球起兩球止，盤路更加三連輸；況且拜仁與車仔真正戰力唔會相差太大，甚至只係半斤八両，勢均力敵之戰，初盤拜仁讓半球／一球，必捧車仔殺“仁”不見血。

當然，拜仁本身實力毋庸置疑，只不過球員狀態始終有起有落，正如之前兩場表現一樣有所降溫，今場對手車仔戰力強於法蘭克福、紐倫堡與費雷堡，今仗實在唔易踢。

捧車仔原因，係寸王針對性戰術部署確係高深莫測，特別穩守突擊，隨時殺拜仁措手不及，而且在組織層面上絕不弱於對手。一句講晒，一場過決生死，拜仁根本讓唔起。

推介：車路士2：1