維記贏波“蘭”度大

維記贏波“蘭”度大

維拉利爾一向有“黃色潛艇”之稱，但千祈唔好誤會係“色情”嗰種黃色，只係呢班波係黃色戰衣，呢隻潛艇真係入得深海，出得水面，幾季前在西甲屬於搞事分子，有足夠實力在前列位置搗亂大局，可惜前季踢到不知所謂，最終仲要降班踢乙組。估唔到今季升返上嚟之後，又再“也文也武”，開季表現似模似樣，七戰之後暫列前四位置，緊隨巴塞、馬體會及皇馬三大班霸，實力差極有條數。不過，上仗被畢迪斯打破不敗身，士氣唔多唔少受影響，今仗能否在主場踢出鬥心，就要睇球員心理素質。

以人腳嚟講，格蘭納達班波唔算突出，計戰鬥力亦只在於中下游位置，但勝在球員比賽夠落力，可以用爛仔波形容。另一特點係攻守夠鮮明，踢法簡單直接，尤其在防守方面，做得相當不俗，之前對住皇馬與華倫西亞亦只係一球落敗。此外，上仗更以兩球殺敗實力分子畢爾包，所以千祈唔好太過睇低呢班波。實際上“潛艇”唔會高過格蘭納達太多，初盤維拉利爾讓一球，可以博今季未輸過兩球的格蘭納達守和對手。

推介：和波1:1