愛斯賓奴難闖“卡”

愛斯賓奴難闖“卡”

西甲今晚有場搶分大戰，排尾五的愛斯賓奴火倂尾三的馬洛卡，兩隊只有一分之差，都要為護級而搏命。唔好以為兩隊排榜尾“水鬥水”就會悶場，兩班波踢法都着重進攻足球，首循環兩隊碰頭鬥攻鬥搶，共出現三十次攻門，十四次中目標，鬥得相當精彩，今仗兩隊更需要搶分自保，唔係你死就係我亡，肯定殺得更加激烈，兩隊實力屬五五波，愛斯賓奴只佔有主場之利，初盤要讓半球實在唔划算，推介受讓的馬洛卡可保不敗。

愛斯賓奴近四戰表現確有起色，兩勝一和一負，摸和皇馬及輸畀巴塞兩大豪門，惜呢班波反覆實在太大，對住同級波經常失準，主場威力又並非突出，聯賽十場輸多過贏，根本難讓對手。

馬洛卡今季踢到要護級的確令人失望，主要原因有G卡斯特路、迪謝拿、拉美斯及卡斯里斯等主力離隊有關，令前中後三線失去重心，幸好今季加盟的杜斯山度士、方達斯及基洛美經過半季後已融合踢法，近期更有出色發揮，球隊近四戰取得兩勝一和一負，狀態絕不輸蝕畀愛斯賓奴。

推介：和波1：1