西班牙除烏半和啱數 奧運男足分組賽C組，烏茲別克男奧足大戰西班牙男奧足。西班牙大國腳早前贏得歐國盃冠軍，陣中新星輩出，開始步入收成期，今次奧運隊同樣星光熠熠，不過「鬥牛兵團」足球風格向來穩陣兼慢熱，今屆首次亮相唔會急攻，吼半場和好路！（Viu TV 96台周三晚9時直播） 前線欠數胡能手 西班牙有巴塞隆拿中堅古巴斯、基羅納主將艾利加西亞同米基爾古迪利斯等球星壓陣，費明盧比斯（右圖）同阿歷斯巴爾拿更加係歐國盃冠軍成員，不過佢哋欠缺數胡能手，加上各梯隊踢法一脈相承，都係以控球為主導，上屆喺富安迪領軍下殺入決賽，都係靠慢熱打法，3場分組賽半場全部打和。 烏茲別克今年喺U23亞洲盃拎到亞軍，6場賽事只係失過1球，防守能力極強，半場有力抵擋西班牙，開半場和機會高。