女歐聯：實力接近踢得謹慎 拜仁里昂均細波_東方日報

女子歐聯8強首回合，德國勁旅拜仁慕尼黑女足主場迎戰上屆亞軍里昂女足。兩大班霸近況都好好，拜仁女足主場已經10個月未輸過，里昂今屆亦保持全勝，強強對碰肯定會踢得謹慎。今場只係首回合，實力稍高嘅里昂唔會選擇喺客場搶攻，中位數3.5球入球細博得過。（周三凌晨4時開賽）文:工廠仔

拜仁女足上場聯賽贏禾夫斯堡女足，捧盃形勢大好，可以專注歐聯爭取佳績，佢哋近12場主場錄得10勝2和，球員信心十足。拜仁女足過去3次喺歐聯對里昂女足，總入球全開3球或以下，2021年就曾經主場1比0贏里昂女足，相信今場會繼續穩中求勝。

客軍分組賽僅失1球
里昂女足實力超群，被視為今屆冠軍熱門，分組賽6戰全勝盡現霸氣，而且6場只係失過1球，防守力極強。里昂女足喺分組賽同另一支德甲勁旅禾夫斯堡女足同組，兩循環分別贏1比0同2比0，面對紀律性強嘅德國球隊，唔可以好似平時咁予取予攜，尤其今場係淘汰賽兼作客，自然會踢得保守啲，開入球細機會大大提高。