兩雄相遇力爭上游 曼聯主場大戰熱刺，兩軍未踢今輪前排喺中游位置，熱刺暫排第10，而曼聯則落後1位，兩軍為咗追趕前列位置，相信今場絕不留手務求全取3分。 曼聯上仗被川迪逼和，主帥坦哈格表示，球隊上下都需要自我反省，今場面對熱刺相信亦會叫一眾「紅魔」打醒十二分精神。曼聯近期征戰頻頻，球員體力消耗大，今場即使有心都未必有力。另外，坦帥仲要增強球隊埋門把握力，射手約舒亞舒克斯已多場食白果，加上拉舒福特狀態低沉，今場要攻破熱刺大門並不容易。 熱刺作客有雞偷 另邊廂，熱刺亦同樣三線作戰，但先後喺聯賽、英聯盃及歐霸取得三連勝，加上新兵蘇蘭基弗到爆，已經連續兩場取得入球，預料領隊普斯迪高路會繼續大打進攻足球。不過以雙方近況去比較，估計中場爭奪形勢居多，大有機會熱刺控制較多局面，甚至有機偷雞成功，順利全取3分。文:謝德謙