全力搶盃！水手捕鯨拔頭籌 日聯盃4強首回合大戰，橫濱水手主場迎戰名古屋鯨魚，兩隊今季聯賽成績低迷，盃賽成為佢哋奮鬥最大目標。橫濱水手踢盃賽特別醒神，國內兩大盃賽都殺入4強，今仗主場出擊可以秤先，主勝值得捧場。（無綫myTV Super周三晚時直播） 橫濱水手今季聯賽一敗塗地，不過依家目標相當鮮明，集中火力踢亞冠盃、日聯盃同日皇盃，當中兩個國內盃賽都順風順水，分別打到入4強，所以聯賽4連敗成績未能作準；以橫濱水手實力十足嘅陣容，專攻盃賽會好有保證，主場出擊可以先拔頭籌。 名古屋鯨魚喺聯賽亦冇乜好爭，上輪輸波後3連勝走勢斷纜，作客亦連輸2場。睇番名古屋鯨魚對上4次作客橫濱水手，只係取得1和3負成績，預計橫濱水手可以延續走勢，主Ｗ博得過。文:工廠仔