英聯盃8強「倫敦打吡」，阿仙奴主場迎戰水晶宮，雖然「兵工廠」近期進攻創造力出現問題，不過爛船都有三斤釘，加比爾捷西斯、史達寧等後備殺手亦要爭取表現，必定會更加落力爭勝，佢哋主場出擊踢法搶韁，半場主勝值得信賴。 （無綫myTV Super周四凌晨3時30分直播）文:工廠仔 阿仙奴近期聯賽2連和，面對「泊大巴」球隊束手無策，不過喺盃賽又唔同講法，近1個月喺歐聯曾先後大炒士砵亭同摩納哥，對上兩圈英聯盃亦贏5比1同3比0。「兵工廠」後備兵亦具備質素，為爭取上位會特別落力，例如加比爾捷西斯上圈1入波1助攻，17歲小將尼華尼利連續兩圈都有波入，攻力有保證。 水晶宮先顧掂護級 水晶宮今季表現飄忽，深受降班威脅，難以兼顧盃賽，預料今場作客會捱打；參考雙方近4次對賽，阿仙奴有3次喺上半場已經領先，今場博半場主勝好路。