捧華記贏皇蘇和

捧華記贏皇蘇和

英超兩支倫敦球會，阿仙奴與熱刺為最後一個歐冠位爭得相當激烈，要打到最後一輪先知邊隊可以得償所願。西甲一樣唔執輸，華倫西亞與皇家蘇斯達同樣你爭我奪，為最後一席位而搏命衝刺。今晚兩隊分途出擊，爭勝決心無須多講，誓要撲擊對手。

華倫西亞先打頭陣作客加泰，近兩仗分別四球大炒對手，不但狀態持續回升，更令球隊士氣高昂。首席射手蘇達度腳風順得人驚，加埋莊拿斯、華迪斯及古亞達度幾位優質攻擊手，前線火力實在唔簡單，近六場聯賽共攻入二十球，確有足夠贏波本錢。對住大打“風流波”兼防守力弱的加泰，華倫西亞取勝機會極高，初盤華倫西亞只讓半球，捧硬蝙蝠軍團“依絲執”。

至於皇家蘇斯達作客西維爾要攞足三分就有一定困難。西維爾主場表現不俗，西甲中排名第五，主場非常硬淨；相反蘇斯達十七場作客只有六場勝仗，上仗主場對住格蘭納達亦未能全取三分，搶分關頭欠缺心理素質。不過，初盤受讓平手／半球，皇家蘇斯達亦值得考慮。

推介：華倫西亞3：1皇家蘇斯達1：1