多蒙特受讓必捧

多蒙特受讓必捧
 

等到頸都長，歐洲王者之戰終於今晚在倫敦開打，兩支德甲班霸展開內戰，多蒙特火併拜仁慕尼克，初盤開出拜仁要讓半球／一球，似乎“大圍”一致睇好拜仁捧盃，老實講，一場過決戰，表面上較為高些少的拜仁實在毫無必勝把握。今季有辦睇，英格蘭足總盃降班的韋根打爆億萬大軍曼城，西班牙盃馬德里體育會KO皇家馬德里，歐霸盃嘅“車仔”亦只能驚濤駭浪險勝賓菲加，證明被睇低一隊必會踢出加一波，況且兩隊交戰無數，知己知彼，實力又相差無幾，勝負始終要睇臨場發揮。
 
由季初超級盃開始，兩隊已經碰頭四次，拜仁兩勝兩和較為佔優，但除德國盃八強一戰取得少少優勢外，其餘三仗都只係勢均力敵，根本高低難分。
 
無可否認，拜仁狀態的確勢如破竹，近十四戰奪得十三勝一和，但唔好忘記，唯一場和波，就係早前迫和多蒙特，雙方仲踢到火藥味十足。
 
至於多蒙特，近四埸比賽只係兩和兩負，但唔代表臨場發揮會比對手差，尤其球員作戰心態，可能比起拜仁更激烈，一句講晒，受讓已經未打先贏。
 
推介：拜仁1:1