拜仁食硬史特加

拜仁食硬史特加

都話拜仁係今年歐洲球會中的超級大贏家。根據歐洲一家出名的估值公司評估，拜仁勇奪德甲聯賽及歐冠盃冠軍後，球會現時品牌價值超過八點六億歐元，相等於接近九十億澳門元，已經超越曼聯、皇馬及巴塞，成為世界上最有價值球會。難怪有咁多球隊打生打死都要踢到歐冠。

拜仁今晚將要完成今季最後一個任務，就係奪取德國盃，誓要成為德甲史上第一支“三冠王”球隊。以目前銳不可擋的強勢，對手史特加實在難做攔路虎。

史特加在聯賽只排第十二位，從名次所見，要與拜仁“拗手瓜”似乎未夠級數。但初盤一開拜仁就要硬讓兩球，唔通史特加真係全無還擊之力？睇返對賽往績，史特加又的確揀唔落，都要捧拜仁至少贏兩球。

兩隊近八次碰頭，拜仁贏足八場，今季聯賽首循環，拜仁更以六比一大炒對手，證明實力有分野。加上今季卅四場聯賽攻入九十八球，如此強大火力，有信心至少攻入兩球。史特加自知今仗肯定難打，或者知恥近乎勇，既然最後一戰，唯有盡最後努力與對手抗衡到底。

推介：拜仁2：0