西班牙冇“意”外

西班牙冇“意”外

南美之戰激鬥完後，今晚輪到歐洲兩大強敵對決，西班牙火併意大利。

早兩日講過舊年歐洲盃決賽，“紅牛黨”打到“藍軍”寫個“服”字，事隔一年，雖然地點唔同，但人物幾乎原班人馬，“藍軍”可唔可以一報大敗之仇？“紅牛黨”又可唔可以再一次令對手俯首稱臣？計兩隊一年來整體狀態及在分組賽表現，西班牙無疑更佔上風，“藍軍”要打破困局睇怕仍未到時候。初盤西班牙讓球半，捧硬“紅牛黨”贏波贏盤，“意”無反顧！

分組賽三戰三勝，西班牙盡顯王者風範，雖然擊殺對手唔強，實際所受威脅亦唔多，但球隊踢法、進攻銳利性，實在令對手難以抵擋，沙維、恩尼斯達及費比加斯三大策劃者唔需多介紹，爭緊神射手的F托里斯更加信心十足，要攻破今時唔同往日的“藍軍”後防，兩球或以上冇甩拖。

意大利今仗有“巴神”因傷肯定唔踢得，派路與蒙杜利禾有傷在身，踢得亦未必發揮出最佳水準。最大問題係不穩防線，三戰失八球，有失以往“銅牆”稱號，單靠一個保方，又點可以“保住後方”？

推介：西班牙3:1