巴西捧盃陰謀論

巴西捧盃陰謀論

在巴西舉行的洲際盃已經接近尾聲，球場上你爭我奪鬥得相當精彩，可惜球場外正上演“怒火街頭”，全國正進行反政府示威，早兩日更發生街頭槍戰事件，導致多人死傷，雖然事件未必與反政府有關，但民衆示威其中之一原因，就係反對政府不理民生問題，反而不惜人力與財力去搞洲際盃、世界盃及奧運三大項目。

點解“無啦啦”會講示威呢個問題？因為早幾日與幾個“牙擦”波友一齊“吹水”，其中“波友丙”一口咬定今屆洲際盃巴西攞硬冠軍，問“丙哥”又何出此言呢？聽完“丙哥”全面分解之後，又並非全無道理，事關巴西全國已經風頭火勢，連自己國家最熱愛、最瘋狂嘅足球運動亦成為反亂成因之一，可想而知，今次事件的確非同小可，難怪巴西一衆球星都表示為要平息民衆怒火，捧盃就係最佳方法之一。

姑勿論巴西能否最終打低其他對手捧起冠軍奬盃，但對今次賽事已經有極大影響，甚至連國際足協專員專車亦受到干擾，如果巴西今次攞唔到冠軍的話，明年世界盃必會上演“怒火街頭2”。