小牛難以拉“圭”

小牛難以拉“圭”

世青盃今晚展開八強大格鬥，兩支熱門分子法國與西班牙齊齊遇上“烏”氣，“法仔”早場先對烏茲別克，入四強應該難度不大。“小牛”難打得多，對住具有一定戰力的“細圭”，能否過關都成問題，因為“仔波”真係估佢唔到，實在太過飄忽，何況“小牛”與“細圭”實力唔會相差太遠。初盤西班牙讓半球／一球，推介烏拉圭有力埋“牙”。

“小牛”上仗反勝墨西哥，真係贏得一額汗。墨西哥衰在驚輸，死守唔夠膽攻，結果久守必失。其實“小牛”防線唔算穩陣，中路防守漏洞唔少，係球隊最大隱憂。“細圭”近三戰攻入對手八球，鋒力唔差得去邊，絕對有力爭取“士哥”。

講人腳，“細圭”陣中確有唔少新星值得留意，包括效力意甲羅馬已射入四球的盧比斯、剛被國米簽入的拉克斯特、剛加盟曼聯的華雷拿及法甲波爾多的D路蘭等，雖然仲係無名小輩，但踢得呢幾間大球會，質素一定唔差，所以與“小牛”有得揮。今場勝負始終要睇兩班“”嘅鬥心，預料九十分鐘內難分高下。推介：和波2:2