伊韓戰和加納勝“利”

伊韓戰和加納勝“利”

世青盃八強最後兩場大戰今晚繼續，先講頭場亞洲打吡，伊拉克激戰韓國。“伊仔”由分組賽至十六強認真令人驚喜，首戰英格蘭連追兩球，充分表現出無比鬥志，跟住擊敗埃及與智利，十六強加時再淘汰巴拉圭，三隊皆非平庸之輩，能夠過關斬將，“伊仔”整體實力絕對不能低估，今仗對住發揮只係不過不失的韓國，有望殺入四強。

小太極虎可以入到八強確有幸運成份，除首戰對住實力較弱的古巴外，對葡萄牙、尼日利亞及哥倫比亞都處於捱打，其戰力並非想像中突出。不過，打波最重要臨場戰意，“老虎仔”確有十足拼勁，預料今仗實在難分勝負。

尾場加納對智利又係一場勢均力敵之戰，但睇完加納點樣反勝葡萄牙後，黑色勢力果然令人恐懼，特別係體能與爆炸力，真係邊隊都未驚過。以個人平均質素及技術，智利可能較為細膩，並以短打為主，但撞啱加納的體力壓迫性打法，智利難以發圍。何況“靚仔波”始終講求力量，加納目前士氣高昂，初盤仲受讓平手／半球，值得捧場。

推介：伊拉克和韓國1：1加納贏智利2：1