明尼路,紐維爾

明尼路逆殺紐維爾

明尼路實現驚天大逆轉！藉古希美補時轟入關鍵波，驚險地將首回合落後紐維爾舊生兩球的失地收復，並憑着殘酷的互射十二碼淘汰對手，搭上南美自由盃決賽尾班車。同時為巴甲球隊保住連續九年取得決賽資格的面子，與巴拉圭傳統勁旅奧林比亞會爭冠。

首回合作客阿根廷淨吞兩蛋的明尼路，賽前被外界睇死翻盤無望，但次回合返到主場大打爭氣波，開賽四分鐘藉比拿特的閃電入球燃起希望。及後不斷向紐維爾舊生施壓，有朗拿甸奴、基拔圖施華等過氣球星領軍下，表現更加淡定。全場十三腳射門，較對手多出一倍，但中框次數只有五次，令主場球迷一直擔心到補時階段。後備入替的古希美以救世主姿態出現，射成二比○，把雙方重新帶到起步點，兩回合計賽和二比二。

細哨點球挽狂瀾

兩隊加時無法增添記錄，需要十二碼決出勝負。明尼路先射，前兩輪都無人射失，之後三輪卻齊齊“撞邪”宴客，只得朗拿甸奴“冇甩拖”，助明尼路以三比二力克紐維爾舊生。明尼路史上首次晉級決賽，同時為延續巴甲分子過去八年例必佔據爭冠一席的強勢，有望實現巴甲球會四連冠。