法國難讓“圭仔”

法國難讓“圭仔”

世青盃終極一戰今晚深夜對決，歐洲代表法國與南美勁旅烏拉圭決一生死。兩隊踢法各有所長，實力相差無幾。牌面上法國小子可能稍為睇高些小，但“圭仔”爛仔波風格夠硬淨，埋身肉搏反而佔優，要分勝負將取決於臨場發揮及鬥心。初盤法國讓到半球／一球，今屆防守力十足的烏拉圭受讓必捧。

“法國仔”由分組賽至決賽應贏則贏，應輸則輸，受到的真正考驗實際唔多，輸畀西班牙反映出球隊仍有破綻，講霸氣未算十足。不過，講到球員質素，陣中的辛洛高、泰奧雲、保羅普巴及干度治比亞等都具大將之風，個人平均技術應在“圭仔”之上。惟防線並非太穩，今仗更有後防大將烏迪迪停賽，可能成為防線最大致命傷。

“圭仔”陣中亦有多名後起之秀，整體攻力較強，六場比賽攻入對手九球只失兩球，勝在攻守均衡。特別對住西班牙一仗，中後場聯防做得非常緊密，反擊效率相當高。相信今晚繼續採取穩守突擊，但求一擊即中。

推介：和波1：1