墨西哥“尼”料

美洲金盃賽明早有場“爭位”戰，神秘之獅馬提尼克挑戰中北美洲大哥墨西哥，爭奪八強一席位。講真一句，馬提尼克並非國際足聯成員，見大場面真係少之又少，對住踢慣大賽的墨西哥，呢支島國球隊等於小朋友，就算墨西哥只係二線兵出擊，仍然夠殺有餘。初盤墨西哥讓一球／球半，推介“墨軍”斬“馬”冇黐牙。

馬提尼克首場分組賽踢出驚喜，以一球險勝加拿大，但原來只係虛火，第二場對住實力較強的巴拿馬終難逃一敗。球隊為求突破出線，今仗只要一分仍大有機會，必會穩守為主，問題只係能否守得雲開見月明。雖然陣中有門將奧林柏、中場杜馬特，仲有格哥利及巴賓都在法甲與西乙球會效力，可惜整體戰力仍難以威脅對手，和波搶一分都難。

墨西哥首戰出師不利敗於巴拿馬腳下，幸好第二場表現回復水準，兩球輕取加拿大，球員信心自然大增。為免夜長夢多，贏波最實際，對住實力次一班的馬提尼克，必定搶攻全取三分，球員雖然並非國家隊一線，但質素依然在對手之上，只要交足功課，贏兩球問題不大。

推介：墨西哥2:0