兵工廠陷魔鬼賽程 前晚車仔技術性擊倒阿仙奴，晉身聯賽盃最後8強，雙方喺呢場波最大分野就係板凳深度，車仔話就話半力迎戰，但睇到個陣容，十居其九都係國腳級人馬，相反阿仙奴就差得遠囉，單睇一個「中堅賓」打單箭頭就知大乜鑊啦！ 雖然阿仙奴季初有個好開始，難得高踞英超榜首幾個禮拜，但家陣先係兵工廠最大考驗，嚟緊將會一連串魔鬼賽程，周末先鬥利物浦，跟住歐聯大戰多蒙特，然之後仲要遇上曼聯、修咸頓及馬賽等對手，究竟阿仙奴係咪有足夠實力問鼎英超或歐聯，大家最好等到過咗11月先下判斷都未遲！ 全歐洲唯一長勝之師羅馬又再出場，頂爺賭波一向跟紅頂白，唔鍾意博斷纜，一於長追唔放手！