友誼賽：德國練兵入波唔慌多_東方日報

德國於歐國盃開咧前最後一場熱身賽，搵嚟希臘拍跳，相信都係練習破密集防守，不過上場熱身賽面對烏克蘭縱然佔盡控球率優勢，但顯得老鼠拉龜，最終只能互交白卷，德軍近4戰3次開2球或以下，2.5球入球細值捧。

（Now 630及633周六凌晨2時45分直播）
「日耳曼兵團」由於係主辦國，近一年都冇具競爭性賽事踢，全部靠熱身賽練兵，當中包括試人、試陣、試位置同試場地，即使國內球迷有期望都好，都唔係吓吓出盡力，相信領隊拿高斯文有自己部署。

上場熱身賽鬥烏克蘭算係強陣出擊，雖然只係互交白券，但控球率超過6成兼製造24次埋門，證明去到決賽周時間啱啱好，係最佳收割時候，今場最後練兵，始終開鑼在即，球員們都怕受傷影響到出場機會，踢起嚟肯定無咁放。

希臘防線唔曳
希臘喺歐國盃外圍賽8戰只失8球，防守力不俗，最終喺附加賽互射12碼不敵格魯吉亞，未能進身決賽周，今場鬥奪標熱門之一嘅德國，肯定出盡渾身解數，希望唔好畀德軍入波，證明自己其實有力對抗強敵，加上德軍近4場3次開2球或以下，入球細玩得過。